शिक्षक, विद्यार्थी आणि पालक यांना हवे असणारे सर्व काही देणारे मराठी शैक्षणिक संकेतस्थळ. ऑनलाइन टेस्ट, ई-लर्निंग, ई-बुक्स, कला ,क्रीडा व आणखी बरेच काही .

Thursday 26 October 2017

मोडून पडला संसार तरी मोडला नाही कणा

मोडून पडला संसार तरी मोडला नाही कणा
पाठीवरती हात ठेवून फक्त लढ म्हणा...!!!
  कविश्रेष्ठ कुसुमाग्रजांच्या या ओळी अनेकांना जगण्यासाठी प्रेरणा देणाऱ्या. अनेक मोडून पडलेल्या मनांना पुन्हा नव्याने उभारण्यास प्रेरणा देणाऱ्या. हे शब्द जेंव्हा आपल्या बाबतीत खरे ठरतात तेंव्हा मनाला मिळणारी उभारी शब्दांत व्यक्त करता येत नाही.
      जिल्हा परिषद केंद्रीय प्राथमिक शाळा पारगाव जोगेश्वरी ता-आष्टी ही आमची प्रयोगशील शाळा. रेकॉर्डिंग स्टुडीओ ही नवीन संकल्पना आम्ही तेथे सुरु केली. संगीत विषयाच्या सहाय्याने इतर विषयांच्या संपादणूक पातळीत वाढ करण्यासाठी काय करता येईल? अभ्यास न आवडणाऱ्या मुलांसाठी काय करता येईल? याबाबतचे काही प्रयोग आम्ही तेथे करत होतो. त्यासाठी लोकसहभागातून आम्ही एक अद्यावत रेकॉर्डिंग स्टुडीओ व म्युझिक स्टुडीओ उभा केला होता. सगळे काही व्यवस्थित सुरु होते मुले संगीताचा आनंद लुटत नवनवीन बाबी शिकत होती. त्याबाबतचे प्रयोग आम्ही शेअर करत होतो. परंतु अचानक एखाद स्वप्न मोडाव तस झाल आणि आमच्या शाळेत चोरट्यांनी चोरी करून आमच्या रेकॉर्डिंग स्टुडीओ मधील बरेचसे साहित्य चोरून नेले. त्यांनी फक्त साहित्याच नव्हे तर आमचा उत्साह, उमेद आणि आमच्या मुलांच्या चेहऱ्यावरील आनंद सुद्धा चोरून नेला. त्यांना फक्त एकच गोष्ट चोरता आली नाही ती म्हणजे आमची जिद्द’.
              या घटनेने मन सुन्न झाले आणि एका स्वप्नाचा गर्भपातया नावाने मी एक पोस्ट सोशल मिडियावर लिहिली. खरे तर मनातील सल बाहेर काढण्याचा हा एक प्रयत्न होता. परंतु आमच्या या प्रयोगावर प्रेम करणाऱ्या राज्यभरातील अनेक मान्यवर अधिकारी, शिक्षण क्षेत्रातील अभ्यासक, प्रयोगशील शिक्षक आणि मित्र मंडळींनी या वेळी आमची उमेद कमी होऊ नये म्हणून धीर दिला. खचून जाऊ नकोस हा स्टुडीओ पुन्हा उभा राहिल असा ठाम विश्वास सर्वांनी दिला. अशा वेळी यशवंतराव चव्हाण प्रतिष्ठान सक्षमपणे आमच्या मदतीला धावून आले. आदरणीय सुप्रिया ताई सुळे यांच्या वाढदिवसाच्या दिवशीच या प्रतिष्ठानचे सदस्य आणि शिक्षण विकास मंचचे संयोजक माजी शिक्षण संचालक मा.वसंत काळपांडे साहेब यांनी सुप्रियाताई सुळे यांच्या वाढदिवसानिमित्त विधायक काम म्हणून पारगाव जोगेश्वरी शाळेतील स्टुडीओ पुन्हा उभा करूयात ही संकल्पना मांडली. मा.दत्ता बाळसराफ सर, मा.निलेश राउत सर, बसंती रॉय मदम यांनी ही संकल्पना तात्काळ तडीस नेत ५१००० रुपयांची मदत देण्याचे जाहीर केले. स्वतः निलेश राउत सरांनी मला फोनवर ही वार्ता सांगितल्यानंतर माझाच मला विश्वास बसेना, कारण खूप कष्टातून हा स्टुडीओ उभा राहिला होता. यशवंतराव चव्हाण प्रतिष्ठान आणि शिक्षण विकास मंचच्या मदतीने आमचे अर्ध्यावर तुटलेले स्वप्न पुन्हा उभे राहणार होते. आज दुपारीच मोबाईलवर मेसेज आला.
 स्वतः शिक्षणमंत्री ना.विनोद तावडे साहेबांनी या चोरीची दखल घेतली. यशवंतराव चव्हाण प्रतिष्ठान आणि शिक्षण विकास मंचच्या मदतीने ५१हजार ऐवजी ६२५०० रुपये आमच्या स्टुडीओच्या उभारणीसाठी मिळाले होते.

           आमच्या स्टुडीओचे स्वप्न पुन्हा उभे राहणार आहे. पारगावच्या शाळेत पुन्हा वाद्यांचे सूर घुमणार आहेत. किलबिल पाखरांचा मंजुळ आवाज पुन्हा कानात रुंजी घालणार आहे. गेले काही दिवस हिरमुसल्या चेहऱ्यांवरचे हास्य पुन्हा परत येणार आहे आणि हे घडतंय केवळ आणि केवळ यशवंतराव चव्हाण प्रतिष्ठान आणि शिक्षण विकास मंचच्या मदतीने. या प्रतिष्ठान च्या वतीने आमच्या स्टुडीओसाठी मदत करणारे डॉ.वसंत काळपांडे साहेब, मा.दत्ता बाळसराफ सर, मा.निलेश राउत सर, मा.बसंती रॉय, मा.उषाताई राणे  मा.दिनकर टेमकर साहेब, मा.बाळासाहेब कानडे, मा.अनिल शिनगारे, मा.सोनाली, मा. चेतन सर, मा.माधव सूर्यवंशी सर, मा.राजीव तांबे सर, मा. वैशाली सरवणकर मदम, मा.मृणाल पाटोळे मदम , मा.सुहास तेंडूलकर सर,मा. आशिष दामले सर, मा.गजानन उदार सर, मा.प्राची साठे मदम, मा. उषा राणे मदम मा.मिलिंद चिंदरकर सर, या आणि सर्वांचे आमचा स्टुडीओ उभा करण्यास भक्कम मदत केल्याबद्दल आमच्या शाळेच्या वतीने जाहीर आभार

1 comment:

  1. नमस्कार मी संतोष सोनटक्के असून मी आपला ब्लॉग पाहिला आहे. त्या ब्लॉगवरील मजकूर खूप उपयुक्त आहे.

    मी सुद्धा आपल्या प्रमाणे एक प्राथमिक शिक्षक असून मी स्वतः वेबसाईट व मोबाईल एप्लीकेशन आणि डिझाईन आणि डेवलपमेंट HTML,CSS, PHP, JAVASCRIPT, JQUERY, ANGULAR5 , IONIC 3 इत्यादी कंप्यूटर प्रोग्रामिंग चा वापर करतो.

    सध्या जिल्हा परिषद शाळेतील बरेच शिक्षक ब्लॉग चा वापर करून इतर शिक्षकांना उपयुक्त माहिती पुरवत असतात. पण तयार केलेले हे ब्लॉग गुगलमध्ये सर्च व्यवस्थित करत नाहीत. त्यामुळे बरीच उपयुक्त माहिती इतर शिक्षकांना मिळत नाही.

    म्हणून मी असे ठरवले आहे की महाराष्ट्रातील शिक्षकांचे सर्व ब्लॉग चे रूपांतर वेबसाईट मध्ये करावे. याकरिता मी सर्व शिक्षकांना वेबसाईट तयार करण्याकरिता मदत करणार आहे. त्यासाठी मी माझ्या जवळ असलेले Web Hosting Server वरील space अगदी मोफत देणार आहे. जेणेकरून आपणास काहीही खर्च न करता आपली वेबसाईट माझ्या वेब सर्वर वर आपण टाकू शकता.

    याकरिता आपणास काहीही खर्च येणार नाही सगळं अगदी मोफत आहे. मी आपणास 1 GB Disk Space, 2 Email Account, 1 Domain ,50GB Monthly Bandwidth, 2 MySql Database अगदी मोफत देणार आहे. जेणेकरून महाराष्ट्रातले सर्व शिक्षक बंधू ब्लॉग वरून वेबसाईट वर येतील.

    त्याकरिता मी अगदी मोफत मार्गदर्शन सुद्धा करणार आहे. आपणास डोमेन नेम https://www.freenom.com
    या वेबसाइटवरून अगदी मोफत घेता येते , जेणेकरून आपल्या वेबसाइटला नाव व्यवसायिक रित्या देता येते उदाहरणार्थ www.zpteacher.tk .

    आपणास डोमेन नेम व Web Space दोन्हीही मोफत मिळाल्यामुळे आपली वेबसाईट अगदी सुंदर व व्यवसायिक दिसेल जेणेकरून इतरांना सुद्धा आपल्या वेबसाईटवर भेट देऊन उपयुक्त माहिती वारंवार वाचावी वाटेल आपली वेबसाईट चांगल्या रीतीने सर्च होईल व त्यामुळे वाचणाऱ्यांची संख्या वाढेल.

    आपणास Microsft Word, Excel येत असेल तर आपण आपली वेबसाईट wordpress मध्ये बनवू शकता याकरिता आपणास कोणत्याही कॉम्प्युटर Programming व Coding आवश्यकता नाही. आपण आपली वेबसाईट अगदी सहजपणे फक्त माऊस क्लिक द्वारे बनू शकता. वर्डप्रेस वरील बरीच व्हिडिओ युट्युब वर उपलब्ध आहेत. आपण व्हिडिओ बघून सहजरीत्या सुंदर अशी वेबसाइट बनवू शकतो.

    तसेच आपण आपल्या वेबसाईटला गुगलचे गूगल ऍडसेंन्स चे जाहिराती लावून युट्युब पेक्षा अधिक ऑनलाइन अर्निंग करू शकता.

    मी आपणास संपूर्णपणे मोफत मार्गदर्शन करणार आहे. तरी आपण इच्छुक असाल तर मला खालील फोन नंबर वर संपर्क करू शकता किंवा ईमेलद्वारे सुद्धा संपर्क करू शकतात

    धन्यवाद
    मोबाईल नंबर : 8421333417
    ईमेल : santu.ghau@gmail.com
    संतोष सोनटक्के
    नांदेड


    ReplyDelete